បណ្ណាល័យបញ្ញវ័ន្ត ផ្ទុកឯកសារសៀវភៅជាង ៣០០០ ក្បាល កំពុងរង់ចាំអ្នកដែលចូលចិត្តអាន

ក្រុងភ្នំពេញ ៖ ប្រាកដណាស់ការអានសៀវភៅ មិនត្រឹមតែអភិវឌ្ឍចំណេះដឹង ពុទ្ធិ ក្នុងការរស់នៅប្រចាំថ្ងៃនោះ ទេ ការអានសៀវភៅបានផ្តល់អត្ថប្រយោជន៍យ៉ាងខ្លាំង ក្នុងការកសាងអភិវឌ្ឍស្មារតី អភិវឌ្ឍការគិតធម្មតា ឲ្យក្លាយជាការគិតបែបពុទ្ធិទៀតផង។

ថ្ងៃនេះ វិទ្យុស្រ្តី សូមធ្វើការណែនាំ បណ្ណាល័យមួយ ដែល ជាបណ្ណាល័យ ដែលបង្កើតដោយយុវជនខ្មែរមួយក្រុម ដែលបណ្ណាល័យនេះ មានឈោ្មះថា បណ្ណាល័យបញ្ញវ័ន្ត។

បណ្ណាល័យបញ្ញវ័ន្ត ជាបណ្ណាល័យសារធារណមួយក្នុងចំណោម ១០០ បណ្ណាល័យ នៅទីក្រុងភ្នំពេញ កំពុងដំណើរការដោយ ផ្ទុកនៅសៀវភៅ សំណៅឯកសារជាង ៣០០០ ក្បាល សម្រាប់អ្នកដែលចង់អភិវឌ្ឍន៍គោលដៅជិវិតតាមរយៈការអាន។

បណ្ណាល័យនេះពុំត្រឹមតែជាទីកន្លែង ដែលផ្តល់នូវសៀវភៅសម្រាប់អាននោះទេ តែបណ្ណាល័យនេះបានរៀបចំឲ្យមានជា សកម្មភាព ក្រុមអានសៀវភៅ ឬ គេហៅថា (​BOOK CLUB)  ហើយក៏មាននៅសកម្មភាពចែករំលែកបទពិសោធន៍ បំណិនជិវិត ការរកស៊ី និង ទស្សនវិស័យផ្សេង ៗ ពីសំណាក់បុគ្គលដែលជោគជ័យក្នុងជិវិតទៀតផង។

សហស្ថាបនិកនៃបណ្ណាល័យ បញ្ញវន្ត លោក សុខ ឡាក់ បានលើកឡើងថា បណ្ណាល័យនេះ គឺមានទស្សនវិស័យរបស់ខ្លួន ដោយចូលរួមមួយផ្នែកក្នុងការអភិវឌ្ឍន៍សេដ្ឋកិច្ចកម្ពុជា តាមរយៈការអាន ឬ ក៏ជាការអភិវឌ្ឍន៍សេដ្ឋកិច្ចបែបពុទ្ធិ។

តែយ៉ាងណាលោកថា សព្វថ្ងៃបច្ចេកវិទ្យាកាន់តែទំនើប យុវជនហាក់ពុំសូវចាប់អារម្មណ៍ក្នុងការអានឡើយ។ លោកថា បណ្ណាល័យនេះកំពុងប្រឈមមុខនឹងបញ្ហា ធនធានមនុស្ស និង កញ្ចប់ធនធានថវិការ។

សូមបញ្ជាក់ថា បណ្ណាល័យនេះ គឺជាបណ្ណាល័យដែលមានការទទួលស្គាល់ពីសំណាក់យុវជន ឬ អ្នកអានជាច្រើន។  បណ្ណាល័យនេះ មានទីតាំងនៅជាប់សាលាភាសាចិន ទួនហ្វា ផ្លូវលេខ ៣៥​ BE2 សង្កាត់ទួលស្វាយព្រៃទី ១ ខណ្ឌចំការមន។ ប្រសិនបើលោកអ្នកមានចំណាប់អារម្មណ៏ក្នុងការអាន ឬ ក៏ចង់ធ្វើការទំនាក់ទំនងឧបត្ថម្ភ លោកអ្នកអាចទូរស័ពទៅកាន់លេខ  ០៦៩ ៩៥០ ៥៥៦ ឬ ០៧៧ ៩៨​៨៨ ២៦៕